Ағымдағы жылдың 14 ақпанында Қазақстан Республикасының Оқу-ағарту министрі Ғ.Б.Бейсембаев арнайы білім беру ұйымы №1 ППТК қызметін көріп, мамандардың жұмыс барысымен танысты. Министр №77 мектеп-гимназиясы ғимаратында орналасқан №1 психологиялық-педагогикалық түзеу кабинетінің материалдық-техникалық жабдықтарымен танысып, түзеу қызметін алатын балалардың ата-аналарына көрсетілетін қызмет сапасына қатысты сұрақтар қойды. Сонымен қатар, АСБ (аутизм спектрінің бұзылуы) бар және мінез-құлығында ауытқушылығы, психологиялық дамуында тежелу, есту және сөйлеу тілінің әр түрлі бұзылыстары бар балалармен түзеу жұмыстарына шолу жасады. Ерекше білім беру қажеттілігі бар балаларды әлеуметтендіруге, білім алуға бейімдеу, ортаға қосудағы түзеудің маныздылығын атап өтті.

   >