- Ерте көмек алу реті..
Ерте көмек тобына ПМПК қорытындысы негізінде 1 жастан 3 жасқа дейінгі ЕББҚ бар балалар қабылданады.:
1) көру қабілеті бұзылған балалар;
2) есту қабілеті бұзылған балалар;
3) сөйлеу қабілеті бұзылған балалар;
4) сөйлеу дамуы тежелген балалар;
5) тірек-қимыл аппараты бұзылған балалар;
6) интеллекті бұзылған балалар;
7) психикалық дамуы тежелген балалар;
8) эмоциялық-еріктік саласы мен мінез-құлқы бұзылған балалар.
Балаларды ерте көмек тобына қабылдау үшін: ата-аналардың (заңды өкілдерінің) өтініші, ПМПК қорытындысы негіз болып табылады.
Баланың ерте көмек тобында болу мерзімі мамандардың пәнаралық бағалауымен анықталады.
Ерте көмек тобының жұмыс режимі мекеменің Жарғысымен және мекеме мен ата-аналар (заңды өкілдер) арасында жасалған шартпен айқындалады.
Балаларды қабылдау ата-аналардың түзету-дамыту процесіне міндетті түрде бірлесіп қатысуы жағдайында жүзеге асырылады.
Топтар бұзушылықтар бойынша және даму деңгейлері бойынша жинақталады. Топтар саны ерте жастағы ЕББҚ бар балалардың санымен және түзету-дамыту жұмыстарын жүзеге асыру үшін арнайы жағдайлардың болуымен анықталады.
Әрбір топқа негізгі бұзушылыққа сәйкес мамандар қатарынан үйлестіруші бекітіледі.
Ерте көмек тобы мамандарының жеке жұмысы:
- балалармен -15 минут және аптасына бір реттен кем емес жүргізіледі;
Ерте көмек тобындағы мамандардың топтық жұмысы:
- балалармен-60-90 минут және аптасына бір реттен кем емес жүргізіледі.
Топтардың толымдылығы:
- даму бұзылыстары бар - 6-8 бала;
- дамуында күрделі бұзылыстары бар - 2-4 бала.
Диагностикалық тексеру
- Диагностикалық бағыт. Баланы тексеру, оның даму ерекшеліктерін және ерте көмекке қажеттілігін анықтау, сондай-ақ отбасының қажеттіліктері мен ресурстарын зерделеу жөніндегі қызметті жүзеге асыру.
Түзету-дамыту оқыту
- Түзету-дамыту бағыты. Пәнаралық қарым - қатынас негізінде ерте жастағы балалармен жұмыс жасауда түзету-дамыту бағдарламасын әзірлеу және іске асыру. Бала мен отбасын ерте көмек көрсету және алып жүрудің түзету – дамыту бағдарламасын іске асыру кезеңіндегі қызметтер:
- бала мен отбасын ерте көмек көрсету және алып жүрудің түзету – дамыту бағдарламасын іске асыруды үйлестіру және сүйемелдеу;
- отбасы мүшелеріне кеңес беру және оқыту;
- балаға және отбасына психологиялық көмек;
- баланың әлеуметтік-тұрмыстық дағдыларын қалыптастыру және дамыту;
- баланың сөйлеу, қарым-қатынас дағдыларын қалыптастыру және дамыту;
- қозғалыс белсенділігінің дамуы;
- қосалқы технологиялар мен жабдықтарды пайдалану;
- баланың дамуын қолдау;
- балалардың оң қызығушылығын қалыптастыруға бағытталған, оның ішінде бос уақыт саласында әлеуметтік-педагогикалық қызметтер;
- ерте көмек бағдарламасын аяқтау кезеңінде баланы алып жүру және білім беру қызметін жүзеге асыратын ұйымға баланың түсуі бойынша қызмет.
